.*मानवत येथे के. के. एम.महाविद्यालयात करीअर कट्टाचे उद्घाटन*{ उच्च व तंत्र शिक्षण विभाग आणि महाराष्ट्र माहिती तंत्रज्ञान सहायता केंद्र यांचा उपक्रम. }. (}*मानवत / प्रतिनिधी)मानवत येथील के. के. एम. महाविद्यालयात जागतिक युवा कौशल्य दिनाच्या निमित्ताने करिअर कट्टा उपक्रमाचे उदघाटन करण्यात आले. महाराष्ट्र राज्य उच्च व तंत्र शिक्षण विभाग आणि महाराष्ट्र माहिती तंत्रज्ञान सहायता केंद्र यांच्या संयुक्त विद्यमाने संपूर्ण राज्यात हा उपक्रम आयोजित करण्यात येत असून महाराष्ट्र माहिती तंत्रज्ञान सहायता केंद्राचे अध्यक्ष यशवंत शितोळे यांच्या हस्ते ऑनलाईन पद्धतीने उदघाटन संपन्न झाले. यावेळी त्यांनी विद्यार्थ्यांना नोकरी, स्पर्धा परीक्षा, नवीन आव्हाने व वर्षभरातील करिअर कट्टाच्या उपक्रमा बाबत मार्गदर्शन केले. प्रास्ताविक राज्यस्तरीय करिअर संसद समिती अध्यक्ष प्राचार्य डॉ. धनंजय तळणकर यांनी केले. यावेळी प्राचार्य डॉ. श्रीकुमार महामुनी यांनी मार्गदर्शन केले.आभार डॉ. एच.डी देशभ्रतार यांनी मानले. कार्यक्रमास महाविद्यालयाचे प्राचार्य डॉ. भास्कर मुंडे, करिअर कट्टाचे समन्वयक डॉ. पंडित लांडगे, डॉ. शारदा राऊत, प्रा सुनीता कुकडे डॉ शिंदे सुभाष, डॉ. कैलास बोरुडे,डॉ विनायक जाधव,प्रा रुपेश देशपांडे,प्रा.विनायक चोपडे यांची उपस्थिती होती. उदघाटन कार्यक्रमानंतर झालेल्या कार्यक्रमाचे प्रास्ताविक प्राचार्य डॉ. भास्कर मुंडे यांनी केले, करियर कट्टा उपक्रमाचे समन्वयक डॉ. पंडित मोरे, लांडगे यांनी विद्यार्थ्यांना शपथ दिली. सूत्रसंचालन आणि आभारप्रदर्शन समन्वयक डॉ. पंडित लांडगे यांनी केले.करियर संसदेची निवडकरिअर कट्टा अंतर्गत महाविद्यालयीन स्तरावर करियर संसदेची निवड करण्यात आली. मुख्यमंत्री- पायल शिवाजी वाघमारे, नियोजन मंत्री-प्रतीक्षा राधाकिशन जाधव, कायदे व शिस्त पालन मंत्री-दिशा शिवाजी पाईकराव,सामान्य प्रशासन मंत्री-भाग्यश्री भोरकडे,माहिती व प्रसारण मंत्री-श्रीराम नारायण तरंगे, उद्योजकता विकास मंत्री- कैलास प्रभाकर तळेकर, रोजगार व रोजगार मंत्री- पवन सुभाष निर्वळ,कौशल विकास मंत्री-प्रीती संजय उपाडे,संसदीय कामकाज मंत्री- वैष्णवी अरुण भोसले, माहिती व बालकल्याण मंत्री- हर्षदा दलित मुळे आणि सदस्य- सोनाली महादेव देवर्षी यांना पदाची आणि गोपनियतेची शपथ देऊन नियुक्तीपत्र देण्यात आले.काय आहे उपक्रम? केंद्र व राज्य शासनाच्या वतीने युवकांच्या करिअरला दिशा देण्यासाठी व सर्वांगीण विकासासाठी विद्यापीठ, महाविद्यालयात वेगवेगळ्या माध्यमातून उपक्रम राबवले जाणार आहेत. एमपीएससी,यूपीएससी, पोलीस भरती,आर्थिक करिअर उद्योजकता, आयएएस आपल्या भेटीला, उद्योजक आपले भेटायला, स्पर्धा परीक्षा पूर्वतयारी राज्यपातळीवरील स्पर्धा परीक्षा तयारी,बँकिंग सेवा, स्टाफ सिलेक्शन कमिशन, केंद्रीय पातळी स्पर्धा परीक्षा, एवढेच नव्हे तर एकूण एक हजार दिवस सातत्याने विद्यार्थ्यांना मार्गदर्शन केले जाणार आहे.या माध्यमातून विद्यार्थ्यांच्या एकंदरीत विकासाला चालना देण्याचा या करिअर कट्ट्याचा उद्देश असून त्याचा निश्चितपणे विद्यार्थ्यांना फायदा होईल. विध्यार्थी विकासाला चालना देणारा हा करिअर कट्टा आहे. त्यामुळे महाविद्यालय स्तरावर विद्यार्थ्यांनी भरभरून प्रतिसाद देत आहेत.***

.*मानवत येथे के. के. एम.महाविद्यालयात करीअर कट्टाचे उद्घाटन*{ उच्च व तंत्र शिक्षण विभाग आणि महाराष्ट्र माहिती तंत्रज्ञान सहायता केंद्र यांचा उपक्रम. }.