बंधारा शाळेत शिक्षण परिषद उत्साहात संपन्न .... (कैलास शेंडेजिल्हा प्रतिनिधी नंदुरबार)नंदुरबार:तळोदा तालुक्यातील प्रतापपुर केंद्राची शिक्षण परिषद जिल्हा परिषद प्राथमिक शाळा बंधारा येथे खर्डी खुर्द ,गाढवली, अलवान यांच्या संयुक्त विद्यमाने आयोजित करण्यात आली .या शिक्षण परिषदेचे अध्यक्ष म्हणून प्रतापपुर केंद्राचे केंद्रप्रमुख श्रीमती रंजना निकुंभे होत्या. निरीक्षक म्हणून जगदीश मराठे व अरुण जयस्वाल यांनी काम पाहिले प्रमुख पाहुणे म्हणून मधुकर ठाकरे ,नितीन कुमार ठाकरे ,मालती मोरे ,सरिता मोरे ,देवीसिंग पवार ,लालसिंग मोरे उपस्थित होते .केंद्रातील मुख्याध्यापक व शिक्षक वृंद मोठ्या संख्येने उपस्थित होते. यावेळी कार्यक्रमाच्या उद्घाटनानंतर शाळेच्या विद्यार्थिनींनी ईशस्तवन व स्वागत गीत गायीले .सहभागी मुलींचे कौतुक करण्यात आले . शिक्षण परिषदेची सुरुवात होण्याआधी सर्व मान्यवरांचे सन्मान करण्यात आले .शिक्षण परिषदेत मागील शैक्षणिक वर्षातील मागोवा केंद्रप्रमुख रंजना निकुंभे यांनी घेतला . कालिक मूल्यांकन चाचणी बाबत माहिती बालाजी माने यांनी दिली .रुटीन चाचणीची माहिती व चर्चेत सहभाग मनीषा ठाकूर ,भीमसिंग वळवी, नंदकुमार शेंद्रे यांनी भाग घेतला. विद्या प्रवेश कार्यक्रम इयत्ता निहाय ,विषयनिहाय चंद्रकांत सपकाळे यांनी कृतीद्वारे समजावून सांगितले .केंद्र संसाधन गट व शाळा व्यवस्थापन समिती व पुनर्गठन बाबत रवींद्र पवार यांनी सविस्तर माहिती दिली. आनंददायी शनिवार उपक्रमाबाबत शितल शेवाळे यांनी माहिती व उपक्रम सांगितले. शेवटी केंद्रप्रमुख रंजना निकुंभे यांनी प्रशासकीय माहिती व त्यासोबत काही सूचना दिल्या . या कार्यक्रमाचे प्रास्ताविक भास्कर वेंदे यांनी तर ,उपस्थितांचे आभार किशोर भारती यांनी मानले .या शिक्षण परिषदेच्या यशस्वीतेसाठी जितेंद्र कोळी, दयाराम वसावे ,दिनेश सोनवणे, मनीषा गोसावी यांनी अथक परिश्रम घेतले . शिक्षण परिषद खेळीमेळीच्या वातावरणात व उत्साहात पार पडली