*पतंगबाजी पडणार २५ हजारांना*
*नायलॉन मांजाचा वापर करून पतंग उडविणाऱ्यांना आता चांगलाच फटका बसणार आहे*.
(मुंबई जिल्हा विशेष प्रतिनिधी)
*नायलॉनने पतंगबाजी करणाऱ्यांना आता २५ हजार रुपयांचा दंड भरावा लागणार आहे*.
*पतंग उडविणारी व्यक्ती अल्पवयीन असल्यास हा दंड थेट पालकांकडून वसूल केला जाणार आहे.*
*तर नायलॉन मांजाचा साठा बाळगणाऱ्या विक्रेत्याला अडीच लाखांचा दंड ठोठावण्यात येणार आहे*.
*प्रत्येक उल्लंघनासाठी स्वतंत्रपणे दंड आकारला जाणार असल्याने नायलॉन मांजाच्या वापरासह विक्री*
आणि
*साठवणुकीवरही कठोर कारवाईची तरतूद करण्यात आली आहे*.
*नागपूर*
आणि
*अमरावती*
विभागात
*नायलॉन मांजाची विक्री*,
*साठवणूक*,
*वाहतूक*
आणि
*वापरावर कायमस्वरूपी नियंत्रण आणण्यासाठी सर्वसमावेशक नियमावली तयार करण्याचे निर्देश उच्च न्यायालयाने दिले आहेत*.
त्यानुसार *जिल्हाधिकारी कार्यालय*,
*पोलीस आयुक्त कार्यालय*
आणि
*महापालिका स्तरावर नियमावली तयार करण्याची प्रक्रिया राबविण्यात येणार आहे*.
*नायलॉन मांजाच्या वापराला आळा घालण्यासाठी मुंबई उच्च न्यायालयाच्या नागपूर खंडपीठाने १२ जानेवारी २०२६ रोजी दंडाबाबत आदेश पारित केले होते*.
या आदेशानुसार *नायलॉन मांजा* वापरून
*पतंग उडविताना* आढळल्यास संबंधित व्यक्तीला
*२५ हजार रुपयांचा दंड*
भरावा लागेल.
*पतंग उडविताना नायलॉन*
मांजाचा वापर टाळण्याची जबाबदारी *पालकांवरही* येणार आहे.
*विक्रीसाठी साठवणूक करणे*
किंवा
*मांजा उपलब्ध ठेवण्याच्या प्रकारांवर या दंडात्मक कारवाईचा परिणाम होणार आहे*.
प्रत्येक उल्लंघनासाठी *स्वतंत्र दंड* आकारला जाणार असल्याने वारंवार नियमांचे उल्लंघन करणाऱ्यांना मोठा आर्थिक भुर्दंड सहन करावा लागू शकतो.
नागरिकांनी न्यायालयाच्या दंडात्मक आदेशांची नोंद घेऊन
*नायलॉन* मांजाचा वापर टाळावा,
असे आवाहन अतिरिक्त जिल्हादंडाधिकारी
*अनुप खांडे*
यांनी केले आहे.
***
