निर्भीड पत्रकारितेचा बुलंद आवाज सन्मानित! पत्रकार शेख शरीफ शेख सलीम यांना ‘उत्कृष्ट पत्रकारिता पुरस्कार २०२६’ प्रदान!
अन्यायाविरुद्ध धारदार लेखणी, जनतेच्या प्रश्नांना वाचा; ‘साप्ताहिक शब्द की गुंज’ परिवाराकडून पत्रकारितेतील उल्लेखनीय कार्याचा भव्य गौरव!
रावेर | प्रतिनिधी — शेख शरीफ
रावेरच्या पत्रकारिता क्षेत्रातून अभिमानाची आणि आनंदाची बातमी! जनतेच्या प्रश्नांना वाचा फोडणारे, अन्यायाविरुद्ध निर्भीडपणे लेखणी चालवणारे आणि सामाजिक, शैक्षणिक व सार्वजनिक हिताच्या विषयांवर सातत्याने आवाज उठवणारे पत्रकार शेख शरीफ शेख सलीम, रावेर यांना ‘उत्कृष्ट पत्रकारिता पुरस्कार २०२६’ देऊन सन्मानित करण्यात आले आहे. या मानाच्या पुरस्कारामुळे रावेरच्या पत्रकारितेचा गौरव उंचावला असून, पत्रकारिता क्षेत्रातून त्यांच्यावर अभिनंदनाचा वर्षाव होत आहे.
साप्ताहिक ‘शब्द की गुंज’ न्यूज चॅनल व पोर्टलच्या वतीने आयोजित भव्य पत्रकार सन्मान सोहळ्यात पत्रकार शेख शरीफ शेख सलीम यांना सन्मानचिन्ह आणि सन्मानपत्र प्रदान करून गौरविण्यात आले. शनिवार, दिनांक ३१ ऑक्टोबर २०२६ रोजी रावेर येथील मदिना कॉलनीतील डी.एम. हॉलमध्ये हा भव्य सोहळा उत्साहपूर्ण वातावरणात पार पडला.
*अन्यायाविरुद्ध लेखणीची धार; जनतेच्या प्रश्नांना न्यायाचा आवाज!*
पत्रकारिता म्हणजे केवळ बातम्या प्रसिद्ध करणे नव्हे, तर समाजातील दुर्लक्षित घटकांचा आवाज बनणे, अन्यायाविरुद्ध प्रश्न उपस्थित करणे आणि प्रशासनाला जनतेच्या समस्यांची जाणीव करून देणे, ही भूमिका पत्रकार शेख शरीफ शेख सलीम यांनी आपल्या पत्रकारितेतून सातत्याने अधोरेखित केली आहे.
नागरिकांच्या मूलभूत समस्या, शैक्षणिक अडचणी, प्रशासकीय कामकाज, सामाजिक प्रश्न आणि सार्वजनिक हिताच्या विविध विषयांवर त्यांनी पुराव्यांच्या आधारावर बातम्या मांडत जनतेचा आवाज बुलंद केला आहे. सामान्य नागरिकांच्या हक्कांसाठी लेखणीच्या माध्यमातून आवाज उठविण्याच्या त्यांच्या कार्याची दखल घेत हा मानाचा पुरस्कार प्रदान करण्यात आला.
*रावेरसह बुरहानपूरमधील पत्रकारांची उपस्थिती!*
या पत्रकार सन्मान सोहळ्याचे आणखी एक विशेष आकर्षण म्हणजे रावेर तालुक्यातील पत्रकार बांधवांसह बुरहानपूर येथील पत्रकारांचीही उपस्थिती लाभली. विशेष म्हणजे मध्ये परदेशातून आलेल्या पत्रकारांनीही या भव्य पुरस्कार सोहळ्याला उपस्थिती लावून कार्यक्रमाची शोभा वाढवली.
पत्रकारितेच्या क्षेत्रातील मान्यवर, पत्रकार बांधव आणि विविध क्षेत्रांतील प्रतिष्ठित व्यक्तींच्या उपस्थितीमुळे हा सन्मान सोहळा अधिक भव्य आणि संस्मरणीय ठरला. पत्रकारितेतील कार्याचा गौरव करण्यासोबतच पत्रकार बांधवांमधील आपुलकी, एकता आणि परस्पर सन्मानाचे दर्शन या कार्यक्रमातून घडले.
*मान्यवरांच्या हस्ते पुरस्कार प्रदान!*
या कार्यक्रमाचे अध्यक्षस्थान रावेर नगर परिषदेचे उपनगराध्यक्ष आसीफ मोहम्मद यांनी भूषविले. साप्ताहिक ‘शब्द की गुंज’चे मुख्य संपादक शेख जमील शेख जान मोहम्मद यांच्या हस्ते पत्रकार शेख शरीफ शेख सलीम यांना सन्मानचिन्ह व सन्मानपत्र प्रदान करण्यात आले.
यावेळी पद्माकर महाजन, आरोग्य सभापती शेख सादीक, वसीम शेख, महेमुद शेख, वसीम खान, कामील शेख, एजाज शेख आदी मान्यवरांची प्रमुख उपस्थिती लाभली.
*मान्यवरांचे गुलाबगुच्छ देऊन स्वागत!*
कार्यक्रमाला उपस्थित असलेल्या सर्व मान्यवरांचे वाजीद खान यांनी गुलाबगुच्छ देऊन स्वागत केले. मान्यवरांच्या उपस्थितीत पार पडलेल्या या सोहळ्यात पुरस्कारप्राप्त व्यक्तींच्या उल्लेखनीय कार्याचा गौरव करण्यात आला.
कार्यक्रमाचे प्रभावी सूत्रसंचालन विजय अवसरमल यांनी केले, तर विनोद तायडे यांनी उपस्थितांचे आभार मानले.
भव्य पत्रकार सन्मान सोहळा यशस्वीरीत्या पार पाडण्यासाठी साप्ताहिक ‘शब्द की गुंज’चे मुख्य संपादक शेख जमील, वाजीद खान, रावेर आणि त्यांच्या सहकारी मित्रांनी महत्त्वपूर्ण भूमिका बजावली. त्यांच्या नियोजनबद्ध प्रयत्नांमुळे कार्यक्रम उत्साहपूर्ण वातावरणात यशस्वीरीत्या पार पडला.
