*डास निर्मूलन मोहिमेसाठी भद्रावतीत तातडीने उपाययोजना करा;* *युवा मोर्चा प्रदेश सचिव ईम्रान खान यांची मागणी*. ( महेश निमसटकर तालुका प्रतिनिधी भद्रावती) भद्रावती दि.11:- पावसाळ्यात निसर्ग आपली संपदा दाखवतो, मात्र याच पावसाळ्याबरोबर डेंग्यू, मलेरिया व हिवताप यांसारख्या विषाणूजन्य रोगांचा प्रादुर्भाव वाढतो. भद्रावती शहरात सध्या पावसाळ्याचे दिवस सुरू असताना, तुंबलेल्या नाल्या, साचलेले पाणी व रस्त्यावरील सांडपाणी यामुळे डासांचा प्रादुर्भाव मोठ्या प्रमाणावर वाढला आहे. तरीही भद्रावती नगरपरिषदेने या गंभीर समस्येकडे दुर्लक्ष केल्यामुळे शहरात रोगराईची भीती वाढली आहे. नगरपरिषदेच्याउदासीनतेमुळे डासांच्या वाढीस नियंत्रण मिळालेले नाही. डेंग्यू व मलेरियाने बाधित रुग्ण संख्या वाढण्याची भीती असून, नागरिक घराघरात डासांच्या त्रासाने त्रस्त आहेत. नगरपरिषदेने अजूनही फॉगिंग (धूरपेरणी) किंवा जंतूनाशक फवारणी सुरू केली नसल्याने रोगांचा प्रसार अधिक वेगाने होण्याची भीती व्यक्त केली जात आहे. सांडपाणी आणि तुंबलेल्या नाल्या या डासांच्या वाढीसाठी मुख्य कारण आहेत. भद्रावतीमध्ये अनेक भागांत नाल्या व गटारे तुंबलेले असून त्यावर नगरपरिषदेने नालेसफाईसाठी पुरेशी कारवाई नाही. परिणामी, डासांचा प्रादुर्भाव वाढत असून हा प्रसार चिंताजनक स्वरूप धारण करीत आहे. जर नगरपरिषदेने तत्परतेने प्रतिबंधात्मक उपाययोजना केल्या नाहीत, तर डेंग्यू, मलेरिया यांसारख्या गंभीर रोगांमध्ये मोठ्या प्रमाणावर वाढ होण्याची शक्यता आहे. आरोग्य क्षेत्रात नगरपरिषदेची निष्क्रियता स्पष्ट झाली आहे. पावसाळ्यामुळे परिसर हिरवळदार झालेला असतानाही रोगराईशी सामना करण्यासाठी आवश्यक ती तयारी नगरपरिषदेने केली नाही. आधुनिक काळात साथी रोगांवर आगोदर प्रतिबंधात्मक उपाय करण्याची गरज असून, भद्रावतीतील या महत्त्वाच्या जबाबदाऱ्यांकडे दुर्लक्ष केल्याचे दिसते. भारतीय जनता युवा मोर्चाचे प्रदेश सचिव ईम्रान खान यांनी फॉगिंग व जंतूनाशक फवारणी तातडीने सुरू करण्याची मागणी केली आहे. ते म्हणतात की, डासांचे प्रजनन थांबवण्यासाठी नाल्यांची नियमित साफसफाई, सांडपाण्याचा निकष राखणे आणि जनजागृती मोहिमा प्रभावी करणे आवश्यक आहे. तसेच, शासन व स्थानिक प्रशासनाने नागरीकांच्या आरोग्याच्या रक्षणाला प्राथमिकता देणे ही त्यांची जबाबदारी आहे. भद्रावतीत डास निर्मूलन मोहिमेला प्राधान्य दिले नाही, तर येत्या काही दिवसांत डेंग्यू, मलेरिया सारख्या रोगांचे प्रादुर्भाव भयंकर स्वरूप घेऊ शकतो, अशी भीती सगळ्या आरोग्य तज्ज्ञांकडून व्यक्त होत आहे. नागरिकांनीही स्वतःच्या आरोग्याच्या सुरक्षेसाठी पाणी साचू न देणे, स्वच्छता राखणे आणि प्रशासनाकडे या संदर्भात तक्रारी करणे गरजेचे आहे.असे सुध्दा ईम्रान खान यांनी एका प्रसिद्ध पत्रकात नमुद केले आहेत.
byMEDIA POLICE TIME
-
0