निंभोरा पोलीस स्टेशनकडून पत्रकार दिनानिमित्त सत्कार सोहळा ! (रावेर/प्रतिनिधी- दि.10 विनायक जहुरे )पहिले मराठी वृत्तपत्रकार व संपादक दर्पणकार बाळशास्त्री जांभेकर यांच्या जन्मदिनानिमित्त ६ जानेवारी हा दिवस राज्यात मराठी पत्रकार दिन म्हणून साजरा केला जातो. त्यानिमित्ताने पत्रकार दिनाचे औचित्य साधत आज निंभोरा पो.स्टे. च्या वतीने परिसरातील पत्रकार यांचा सत्कार, सन्मान सोहळ्याचे आयोजन करण्यात आले.कार्यक्रम प्रसंगी आपल्या अध्यक्षीय मनोगतात पत्रकार हा सर्वांचा मित्र असून तो कधीच कोणाचा शत्रु नसतो. पत्रकार , लोकप्रतिनिधि, पोलीस, जनता यांचा नेहमी सुसंवाद असल्यास सहज प्रश्न सुटून नेहमी शांतता जातीय सलोखा राहून न्याय मिळण्यास मदत होऊ शकते. असे प्रतिपादन पो.निरीक्षक श्रीमती मिरा देशमुख यांनी व्यक्त केले.यावेळी सर्व पत्रकारांचा सत्कार पोनि. श्रीमती मिरा देशमुख पो.उप दिपाली पाटील, यांनी शाल, श्रीफळ देऊन सन्मान केला. याप्रसंगी उपस्थित ज्येष्ठ पत्रकार राजीव बोरसे, ज्ञानेश्वर महाजन, प्रवीण धुंदले ,विनायक जहुरे , इकबाल पिंजारी, इद्रिस शेख, कांतिलाल गाढे यांनी आपले मनोगत व्यक्त केले.याप्रसंगी अवसरमल सर,भीमराव कोचुरे,सुमित पाटील, प्रभाकर महाजन , जमील शेख,, दस्तगीर खाटीक, राहुल जैन, दस्तगीर खाटिक, , राहुल जैन, विनोद कोळी, उमेश तायडे, जमील शेख, छगन पाटील,संजय पाटील, सरदार पिंजारी यासह मोठ्या संख्येने पत्रकार बांधव .तसेच पो.काँ ,होमगार्ड, कर्मचारी आदि उपस्थित होते. कार्यक्रमाचे प्रास्ताविक ज्येष्ठ पत्रकार राजीव बोरसे यांनी तर सूत्रसंचालन अमोल वाघ व आभार प्रदर्शन कांतिलाल गाढे यांनी केले.
byमीडीया पोलीस टाईम
-
0