केंद्रस्तरीय जिल्हा परिषद अध्यक्ष चषक स्पर्धा स्व. गंगाधर शिवराम आहेर आदिवासी अनुदानित प्राथमिक, माध्यमिक व उच्च माध्यमिक आश्रम शाळेच्या विशाल प्रांगणात उत्साहात पार पडल्या नांदगाव ! या वर्षीच्या केंद्रस्तरीय जिल्हा परिषद अध्यक्ष चषक स्पर्धा सन 2025/26 या नांदगाव तालुक्यातील न्यायडोंगरी येथील स्वर्गीय गंगाधर (अण्णासो) शिवराम आहेर आदिवासी अनुदानित प्राथमिक, माध्यमिक व उच्च माध्यमिक आश्रम शाळेच्या विशाल अशा प्रांगणात अतिशय उत्साहात पार पडल्या. या स्पर्धांमध्ये कला, क्रीडा आणि सांस्कृतीक कार्यक्रमांची रेलचेल या पहावयास मिळाली. केंद्रस्तरीय जिल्हा परिषद अध्यक्ष चषक स्पर्धा सन 2025/26 या स्पर्धांचे उद्घाटन "अध्यक्ष चषक चे जनक" व शनि महाराज मंदिर संस्थान नस्तनपुरचे अध्यक्ष कथा नांदगाव तालुक्याचे माजी आमदार एडवोकेट अनिलकुमार गंगाधर आहेर यांच्या हस्ते करण्यात आले. तर कार्यक्रमाच्या अध्यक्षस्थानी नांदगाव पंच समितीचे गटशिक्षणाधिकारी श्री दिलीप नाईकवाडे हे होते. या सोहळ्यासाठी अनेक मान्यवर आवर्जून उपस्थित होते. नांदगाव कृषी उत्पन्न बाजार समितीचे सभापती दर्शन आहेर, कै. एडवोकेट वि. शी. आहेर हायस्कूलच्या प्राचार्य सौ. पल्लवीताई आहेर, शनी मंदिर संस्थानचे उपाध्यक्ष हृदय आप्पा पवार, जनरल सेक्रेटरी खासेराव सुर्वे, केंद्रप्रमुख राजेंद्र पाटील, पत्रकार जगन पाटील यांच्यासह न्यायडोंगरी केंद्रातील सर्व शाळांचे मुख्याध्यापक, शिक्षक, शिक्षिका मोठ्या संख्येने उपस्थित होते. या स्पर्धेत विद्यार्थ्यांनी क्रीडा, चित्रकला,वकृत्व आणि विविध सांस्कृतिक कलागुणांचे सादरीकरण केले. ग्रामीण भागातील विद्यार्थ्यांच्या सुप्त गुणांना वाव मिळावा या उदात्त हेतूने एडवोकेट अनिलदादा आहे हे नाशिक जिल्हा परिषदेचे अध्यक्ष असताना त्यांच्या संकल्पनेतून संपूर्ण नाशिक जिल्ह्यातील जिल्हा परिषदेच्या प्राथमिक शाळा मधून या अध्यक्ष चषक क्रीडा स्पर्धांचे आयोजन दरवर्षी केले जाते त्यात प्रथम प्रत्येक शाळा स्तरावर नंतर केंद्र, बीट, तालुका व शेवटी जिल्हास्तरावर स्पर्धा घेऊन विजेत्या शाळेस हा मानाचा चषक दिला जातो. गेल्या 30 वर्षापासून या स्पर्धा अव्याहत सुरू आहेत. या स्पर्धेच्या माध्यमातून ग्रामीण भागातील विद्यार्थ्यांना मोठे व्यासपीठ उपलब्ध झाल्याने विद्यार्थी व पालकांनी समाधान व्यक्त केले. यावेळी विविध स्पर्धांमधून विजयी झालेल्या 38 विद्यार्थी, संघ यांना शनी मंदिर संस्थान नस्तपूनपुर यांच्याकडून आकर्षक असे स्मृतिचिन्ह व प्रशस्तीपत्र देण्यात आले. या कार्यक्रमाचे नियोजन केंद्रप्रमुख श्री राजेंद्र पाटील आणि न्यायडोंगरी केंद्रातील सर्व मुख्याध्यापक व शिक्षक वृंदाने यशस्वीरित्या पार पाडले. तर कार्यक्रमाचे सूत्रसंचालन सुभाष चव्हाण यांनी केले. शरद पाटील यांनी सर्वांचे आभार मानले.