भद्रावती शहरातील जनतेच्या विश्वासाला तडा जाऊ देणार नाही : नगराध्यक्ष प्रफुल चटकी भद्रावती नगर परिषदेचा पदग्रहण सोहळा उत्साहात; प्रफुल चटकी नगराध्यक्ष, तर सुधीर सातपुते उपाध्यक्ष. (महेश निमसटकर तालुका प्रतिनिधी भद्रावती )भद्रावती दि.9 : भद्रावती नगर परिषदेचा पदग्रहण सोहळा गुरुवार, दिनांक ८ जानेवारी रोजी उत्साहात व जल्लोषात पार पडला. या सोहळ्यात मताधिक्याने निवडून आलेले नगराध्यक्ष प्रफुल रामदास चटकी यांनी विधिवत पदभार स्वीकारला. याचवेळी उपाध्यक्षपदी सलग तीन वेळा नगरसेवक म्हणून निवडून आलेले सुधीर सातपुते यांनीही पदभार स्वीकारला.उपाध्यक्षपदाच्या निवडणुकीसाठी पीठासन अधिकारी म्हणून नगराध्यक्ष प्रफुल चटकी यांनी काम पाहिले. या निवडणुकीत शिवसेना (शिंदे गट) तर्फे सुधीर सातपुते, तर काँग्रेस कडून अनिल पडोळे यांनी नामांकन अर्ज दाखल केले होते. झालेल्या मतदानात सुधीर सातपुते यांना १८ मते, तर अनिल पडोळे यांना १२ मते मिळाली. सहा मतांच्या फरकाने सुधीर सातपुते यांनी विजय संपादन केला.सत्तारूढ पक्षाच्या वतीने राजेश बदखल तसेच शिवसेना (उबाठा) गटाचे नरेंद्र पढाल यांची स्वीकृत सदस्य म्हणून नियुक्ती करण्यात आली. तर काँग्रेस पक्षाकडून सुनील नामोजवार यांची स्वीकृत सदस्य म्हणून नियुक्ती करण्यात आली.नगराध्यक्ष पदग्रहण दालनाचे उद्घाटन मुकेश जिवतोडे, जिल्हा संघटक, शिवसेना (शिंदे गट) यांच्या हस्ते करण्यात आले. यावेळी भद्रावती नगर परिषदेच्या मुख्याधिकारी डॉ. विशाखा शेळकी उपस्थित होत्या.कार्यक्रमाचे कार्यवृत्तांत राजू काळे यांनी सादर केले, तर प्रास्ताविक व आभार प्रदर्शन उपमुख्याधिकारी विजय जांभुळकर यांनी केले.यावेळी नवनिर्वाचित नगराध्यक्ष व उपाध्यक्षांसह सर्व पदाधिकाऱ्यांनी भद्रावती शहराच्या सर्वांगीण विकासासाठी प्रामाणिकपणे कार्य करण्याचा संकल्प व्यक्त केला. शहरातील जनतेच्या विश्वासाला कधीही तडा जाऊ देणार नाही, असे ठाम आश्वासन देत त्यांनी विकासाभिमुख व पारदर्शक प्रशासन देण्याचा निर्धार व्यक्त केला.

भद्रावती शहरातील जनतेच्या विश्वासाला तडा जाऊ देणार नाही : नगराध्यक्ष प्रफुल चटकी भद्रावती नगर परिषदेचा पदग्रहण सोहळा उत्साहात; प्रफुल चटकी नगराध्यक्ष, तर सुधीर सातपुते उपाध्यक्ष.