राष्ट्रीय शालेय ज्युदो स्पर्धेत वर्ध्याला कास्यपदक. वर्धा : वर्धा जिल्हा ज्युदो असोसिएशन, हिंगणघाट येथील खेळाडू कु. कनक विनोद कोल्हे हिने राष्ट्रीय शालेय ज्युदो स्पर्धेत कास्यपदकाची गवसणी घालत जिल्ह्याचा मान उंचावला आहे.दिनांक ६ ते ८ जानेवारी दरम्यान लुधियाना (पंजाब) येथे पार पडलेल्या राष्ट्रीय शालेय ज्युदो स्पर्धेत वर्धा जिल्हा ज्युदो असोसिएशनच्या खेळाडूंनी उत्कृष्ट कामगिरी सादर केली.१४ वर्षाखालील गटात कु. कनक विनोद कोल्हे हिने २७ किलो वजनगटात दमदार खेळी करत कास्य (ब्रॉन्झ) पदक पटकावले.या पदक विजेत्या खेळाडूचे तसेच तिच्या पालकांचे वर्धा जिल्हा ज्युदो असोसिएशन तर्फे हार्दिक अभिनंदन करण्यात आले.खेळाडूने आपल्या यशाचे श्रेय आई-वडील तसेच मार्गदर्शन करणारे मुख्य प्रशिक्षक चंद्रशेखर देशकर, जीवन कामडी, ओम पवार, तिलक राणे आणि शुभम तडस यांना दिले.वर्धा जिल्हा ज्युदो असोसिएशनचे अध्यक्ष, सचिव तसेच कार्यकारिणी सदस्यांनी विजेत्या खेळाडूस पुढील वाटचालीसाठी शुभेच्छा दिल्या. जिल्ह्याचे व महाराष्ट्राचे नाव राष्ट्रीय पातळीवर अधिक उज्ज्वल व्हावे, अशी अपेक्षा व्यक्त करण्यात आली.तसेच राजेश कोमलवार, अमोल बोडके, दीपक मेश्राम, धनश्री गाठे, अतुल मदनकर, सचिन ढोकपांडे, साहिल ठक, दुर्गेश सहारे, गणेश कन्नाके, सत्यप्रकाश इंगळे, योगेश देवगिरकर, कुणाल शिंदे, वैभव हिवरकर, संमक नगराळे, कृष्णा हुरले, शंकर नैताम, अतुल सोनकुसरे, पवन निलेकर, गौरव कामडी, शौर्य भगत, रणवीर इतवारे, प्रणय मिसाळ, कुणाल कन्नाके, यश मुक्तेवार व असंग रामटेके यांनीही विजेत्या खेळाडूचे अभिनंदन केले.