गणित संबोध परीक्षेत गुरुनानक पब्लिक स्कूलच्या वेदांती नवघरेचा प्रथम क्रमांक. (महेश निमसटकर तालुका प्रतिनिधि भद्रावती )भद्रावती दि.28:- बल्लारपूर: "चंद्रपूर जिल्हा गणित अध्यापक मंडळ, चंद्रपूर" यांच्या वतीने आयोजित जिल्हास्तरीय "गणित संबोध परीक्षा" वर्ग 5 व वर्ग 8 गटासाठी घेण्यात आली. या परीक्षेत गुरुनानक पब्लिक स्कूल, बल्लारपूर येथील कुमारी वेदांती अमित नवघरे हिने उज्वल यश संपादन केले असुन, वर्ग 8 गटात प्रथम क्रमांक मिळवत तिने शाळेचा गौरव वाढवला आहे.कुमारी वेदांतीला प्रमाणपत्र व सन्मानचिन्ह प्रदान करून पुरस्कृत करण्यात आले. तिच्या या यशाबद्दल शाळा प्रशासन, शिक्षक वर्ग आणि पालकांनी तिचे अभिनंदन केले आहे. वेदांतीच्या या यशामुळे शाळेत आनंदाचे वातावरण निर्माण झाले आहे.