🌧️ *राज्यासह केंद्राने ओल्या दुष्काळाचे संकट लक्षात घेता शेतकरी बांधवांसाठी तातडीची मदत जाहिर करा !*राम दहे पाटील. (*मानवत परभणी विभागीय संपादक अनिल चव्हाण)—————————————राज्यातील शेतकरी भावांना या आसमानी संकटातून बाहेर काढण्यासाठी प्रयत्न केला तरच *शेत तिथे रस्ता गाव तिथे समृद्धी* संकल्पना यशस्वी होईल. महाराष्ट्रातील शेतकऱ्यांवर सध्या ओल्या दुष्काळाचे भयानक संकट आलेले आहे.राज्यभरात मुसळधार पावसामुळे शेतातील पिके, व जनावरे, हातची गेली शेतीची जमीन वाहून गेली असून शेतकऱ्यांचे कोट्यवधींचे नुकसान झाले आहे. ही फार दुःखद व वेदनादायक परिस्थिती आहे. आपला रस्त्याविषयीचा पिढ्यानपिढ्याचा संघर्षाला न्याय देण्यासाठी राज्यातील सर्व शेतकरी भाऊ जात-पात धर्म राजकारण पक्ष संघटना विरहित एकत्र येऊन निस्वार्थपणे आपले मोलाचे योगदान देत आहोत त्याच प्रमाणे या नैसर्गिक आपत्तीतून आपल्या शेतकरी भावाला बाहेर काढण्यासाठी राज्य व केंद्राने आणि प्रत्येकाने सहकार्य करावे या संकटात चळवळीमधील कृती समिती सदस्य व प्रत्येक शेतकरी भावाने आपल्या अस्मानी संकटात अडकलेल्या बांधवाला प्रत्यक्ष मदतीचा हात द्यावा. राज्य व केद्रशासनाने त्वरित आणि मोठ्या प्रमाणात मदत जाहीर करावी. सध्याची मदत तुटपुंजे असून, शेतकऱ्यांना संसार उभा करण्यासाठी व घर चालवण्यासाठी ती अपुरी आहे. चळवळीच्या सातत्यपूर्ण प्रयत्नामुळे राज्य सरकारने पानंद रस्त्या विषयी ऐतिहासिक निर्णय घेतल्यामुळे राज्यातील शेकडो रस्ते खुले होत असून शेतकऱ्यांना न्याय मिळत आहे. त्याचप्रमाणे राज्य व केंद्र सरकारने या अस्मानी संकटातही शेतकऱ्यांसाठी ठोस व ऐतिहासिक निर्णय घ्यावा अशी कळकळीची विनंती राज्यातील शेतकरी मुख्यमंत्री देवेंद्र फडणवीस, उपमुख्यमंत्री अजितदादा पवार, उपमुख्यमंत्री एकनाथजी शिंदे साहेब,महसूल मंत्री बावनकुळे साहेब, कृषिमंत्री दत्ताजी भरणे यांच्याकडे करण्यात येत आहे. चळवळ शेवटच्या शेतकरी भावाला रस्ते मिळवून देण्यासाठी जशी कटिबद्ध आहे, त्याचप्रमाणे या नैसर्गिक आपत्तीतही राज्यातील सर्व शेतकऱ्यांच्या पाठीशी ठाम उभी राहील व न्याय मिळवून देण्यासाठी सातत्याने पाठपुरावा करेल *यूवा शेतकरी राम दहे पाटील.* यांनी आमच्या प्रतिनिधीशी बोलतांना भावना व्यक्त केली.*

राज्यासह केंद्राने ओल्या दुष्काळाचे संकट लक्षात घेता शेतकरी बांधवांसाठी तातडीची मदत जाहिर करा !*राम दहे पाटील.