त्र्यंबकेश्वर येथे वार्ताकंन करण्यासाठी गेलेल्या पत्रकारांवर हल्ला करणार्यां; दोषींवर कठोर कारवाई करा राष्ट्रीय पत्रकार संघ भारत बिलोली संघटनेची मागणी. (मारोती एडकेवार जिल्हा: प्रतिनिधी नांदेड ) नांदेड:बिलोली तालुका त्र्यंबकेश्वर येथे वार्तांकन करण्यासाठी गेलेल्या पत्रकारांवर झालेल्या हल्ल्याच्या निषेधार्थ, राष्ट्रीय पत्रकार संघ भारत बिलोली वतीने तहसिलदार गजानन शिंदे ,नायब तहसीलदार मेठेवाड यांना निवेदन सादर केले आहे. या हल्ल्यातील सर्व दोषींना तात्काळ अटक करून कठोर कारवाई करण्याची मागणी करण्यात आली आहे.२० सप्टेंबर २०२५ रोजी 'झी २४ तास'चे ब्युरो चीफ योगेश खरे, 'साम टीव्ही'चे ब्युरो चीफ अभिजित सोनवणे आणि 'पुढारी न्यूज'चे ब्युरो चीफ किरण ताजने यांच्यावर गुंड प्रवृत्तीच्या लोकांनी हल्ला केला. या हल्ल्यात ताजने गंभीर जखमी झाले असून त्यांच्यावर सध्या उपचार सुरू आहेत. हा हल्ला म्हणजे लोकशाहीच्या चौथ्या स्तंभावर झालेला आघात आहे, असे निवेदनात म्हटले आहे.या घटनेमुळे पत्रकारांमध्ये भीतीचे वातावरण निर्माण झाले आहे. या हल्ल्यातील सर्व आरोपींना तात्काळ अटक करून कठोर कारवाई करावी, तसेच भविष्यात असे हल्ले पुन्हा होऊ नयेत यासाठी ठोस धोरण जाहीर करावे आणि प्रत्येक जिल्ह्यात पत्रकार संरक्षणासाठी विशेष सेल स्थापन करावा, अशा मागण्या निवेदनात करण्यात आल्या आहेत. या मागणीचे निवेदन बिलोली तहसिलदार,तथा नायब तहसीलदार मेठेवाड यांना देण्यात आले. यावेळी राष्ट्रीय पत्रकार संघ भारत बिलोली अध्यक्ष ज्ञानेश्वर शिरगिरे, उपाध्यक्ष विलास शेरे सचिव दयानंद भद्रे,सहसचिव गौतम गावंडे,संघटक,गौतम वाघमारे, कार्याध्यक्ष कपिल भेदेकर,आदी उपस्थित होते.त्र्यंबकेश्वर येथे पत्रकारांवर झालेला हल्ला हा केवळ व्यक्तींवरचा हल्ला नसून, तो लोकशाहीच्या चौथ्या स्तंभावर झालेला गंभीर हल्ला आहे. पत्रकारांना भयमुक्त वातावरणात काम करता आले पाहिजे. आम्ही या घटनेचा तीव्र निषेध करतो आणि मुख्यमंत्री महोदयांना विनंती करतो की, या प्रकरणातील दोषींवर तात्काळ कठोर कारवाई करावी. यासोबतच राज्यातील सर्व पत्रकारांच्या संरक्षणासाठी सरकारने ठोस पाऊले उचलावीत.अशी राष्ट्रीय पत्रकार संघ भारत संघटनेची मागणी निवेदनाद्वारे केली आहे.
byMEDIA POLICE TIME
-
0