तरोडा गावातील शेतकरी अनंत साबळे यांना डीबीटी मार्फत ट्रॅक्टर अनुदानाचा लाभ... तरोडा, दि. —महाराष्ट्र राज्य सरकारच्या कृषि विभागामार्फत चालू असलेल्या डीबीटी (डायरेक्ट बेनिफिट ट्रान्सफर) योजनेतून तरोडा गावातील शेतकरी अनंत साबळे यांना अनुदानावर ट्रॅक्टर प्राप्त झाला आहे. शासनाच्या कृषी यांत्रिकीकरण उपक्रमाखाली मिळालेल्या या सुविधेमुळे साबळे यांच्या शेतीकामात मोठी मदत होणार असून शेती उत्पादनक्षमतेत वाढ होण्याची अपेक्षा आहे.शेतकऱ्यांना आधुनिक साधनसामग्री उपलब्ध व्हावी, शेतीची गुणवत्ता वाढावी आणि श्रमबचत व्हावी या उद्देशाने राज्य सरकार विविध योजना राबवत आहे. त्याचाच भाग म्हणून अनंत साबळे यांच्या खात्यावर अनुदान थेट जमा होऊन त्यांना ट्रॅक्टरचे स्वामित्व मिळाले.तरोडा परिसरातील शेतकरी बांधवांकडून शासनाच्या उपक्रमाचे स्वागत करण्यात येत असून अनंत साबळे यांनीही राज्य सरकार व कृषि विभागाचे आभार व्यक्त केले आहेत.
byMEDIA POLICE TIME
-
0