हिंगणघाट येथे पोलीस स्टेशन व उपविभागीय पोलीस अधिकारी कार्यालयाच्या नवीन प्रशासकीय इमारतीचे भूमिपूजन. २३/१/२०२६..................................... गृहराज्यमंत्री तथा वर्धा जिला पालकमंत्री डॉ.पंकज भोयर यांच्या हस्ते पार पडले.या कार्यक्रमाला कार्यसम्राट आमदार समीर कुणावार, हिंगणघाट शहर नगर पालिका नगराध्यक्षा डॉ.नयना तुळसकर, जिल्हाधिकारी वर्धा जिल्हा वान्मथी सी.,पोलीस अधीक्षक वर्धा जिल्हा सौरभ कुमार अग्रवाल, हिंगणघाट बाजार समिती सभापती ॲड. सुधीर कोठारी, नगरसेवक किशोर दिघे, माजी नगराध्यक्ष प्रेम बसंतानी, भारतीय जनता पक्षाचे प्रमुख मा ना श्री.भूपेंद्र साहाने यांची प्रमुख उपस्थिती होती.यावेळी बोलताना गृहराज्यमंत्री डॉ.पंकज भोयर म्हणाले की, गेल्या ११ वर्षांत पोलीस हाऊसिंग कॉर्पोरेशनने राज्यभर उल्लेखनीय कामगिरी केली असून, त्यात आता हिंगणघाटचाही समावेश झाला आहे.नवीन इमारतीमुळे पोलिसांना सुसज्ज व सुरक्षित कार्यपरिसर मिळेल, तसेच नागरिकांना जलद व प्रभावी न्याय मिळण्यास मदत होईल, असा विश्वास त्यांनी व्यक्त केला.आमदार समीर कुणावार यांनी सन २०१४ पासून या इमारतीसाठी पाठपुरावा सुरू असल्याचे सांगून, शहराचा वाढता विस्तार लक्षात घेता हिंगणघाटमध्ये दुसऱ्या पोलीस स्टेशनची आवश्यकता असल्याचे मत मांडले. तसेच लोकसंख्येच्या तुलनेत पोलीस बळ वाढवण्याची गरज असल्याचेही त्यांनी नमूद केले.नगराध्यक्षा डॉ.नयना तुळसकर यांनी नवीन इमारतीत महिला पोलिसांसाठी तसेच महिला तक्रारदारांसाठी विशेष सोयीसुविधा असाव्यात,अशी अपेक्षा व्यक्त करत नगरपरिषदेच्या वतीने सर्वतोपरी सहकार्याचे आश्वासन दिले.प्रास्ताविकात पोलीस अधीक्षक वर्धा जिल्हा सौरभ कुमार अग्रवाल यांनी या इमारतीसाठी ६ कोटी २८ लाख रुपयांचा निधी मंजूर झाल्याची माहिती दिली. हिंगणघाट हे औद्योगिक व वेगाने विस्तारत असलेले शहर असल्याने, वाढत्या गुन्हेगारीवर नियंत्रण मिळवण्यासाठी ही इमारत पोलिसांसाठी अत्यंत उपयुक्त ठरेल, असे त्यांनी सांगितले.कार्यक्रमाचे संचालन पोलीस कर्मचारी स्मिता महाजन यांनी केले, तर ठाणेदार अनिल राऊत यांनी आभार मानले. कार्यक्रमाला पत्रकार व सामाजिक संस्था चे सदस्य,शहरातील नागरिक मोठ्या संख्येने उपस्थित होते..मो मकसूद बावा पत्रकार हिंगणघाट जिला वर्धा मिडिया पोलिस टाइम विभागीय उपसंपादक

हिंगणघाट येथे पोलीस स्टेशन व उपविभागीय पोलीस अधिकारी कार्यालयाच्या नवीन प्रशासकीय इमारतीचे भूमिपूजन.