हिंगणघाट येथे कुष्ठरोग शोध मोहीम दिनांक १७ नोव्हेंबर २०२५ ते ०३ डिसेंबर २०२५ पर्यंत हिंगणघाट शहरात कुष्ठरोग शोध मोहीम राबविण्यात आली. मोहीम जिल्हा शल्य चिकित्सक डॉ. सुमंत वाघ,जिल्हाआरोग्य अधिकारी डॉ.स्वप्निल बेले,सहाय्यक संचालक आरोग्य सेवा (कुष्ठरोग) वर्धा. डॉ.राज पराडकर , तालुका आरोग्य अधिकारी डॉ. प्रभाकर नाईक,यांच्या मार्गदर्शनाखाली राबविण्यात आली. मोहिमेच्या वेळेस प्रत्येक व्यक्तीची तपासणी करण्यात आली . यामध्ये एकूण ५५ टीम ने कार्य असून ११ पर्यवेक्षक होते.समाजातील निदान झालेले कुष्ठरुग्ण लवकरात लवकर शोधून त्यांना त्वरित बहुविध औषधोपचाराखाली आणणे, संसर्गाची साखळी खंडित करून होणारा प्रसार कमी करणे, कुष्ठरुग्णांमध्ये विकृतीचे प्रमाण निरंक असणे, सन २०२७ पर्यंत कुष्ठरोग दूर करण्याचे ध्येय साध्य करून कुष्ठरोग निर्मुलनाच्या दिशेने वाटचाल करणे व समाजामध्ये जनजागृती करणे हा मोहीमेचा उद्देश होता. मोहीम १७ नोव्हेंबर ते ३डिसेंबर २०२५ पर्यंत कालावधीत राबविण्यात आली असून याकरता निवडलेल्या टीमचे प्रशिक्षण घेण्यात आले होते सर्वेक्षकांकडून हिंगणघाट शहरातील लोकांची कुष्ठरोग आजार बाबत तपासणी करण्यात आली या मोहिमेत ६०६ संशयित रुग्ण आढळले होते . संशयित रुग्ण तपासणी करण्यात आली असून ६ नविन रुग्ण आढळले ,औषधोपचार सुरू करण्यात आला . असे उपजिल्हा रुग्णालय हिंगणघाट चे वैद्यकीय अधीक्षक डॉ. आशिष लांडे यांनी सांगितले. मोहीम यशस्वी करण्यासाठी उपजिल्हा रुग्णालयाचे वैद्यकीय अधिकारी, कर्मचारी, आशाताई, स्वयंसेवक, यांनी परिश्रम घेतले.मोहीमे चे काम श्री.अशोक वावरे अवैद्यकिय सहाय्यक, श्री.प्रशांत जंगठे अवैद्यकिय सहाय्यक,श्री.मिलींद डोनारकर आरोग्य निरीक्षक,श्री.आखाडे आरोग्य निरीक्षक,श्री.उमेश मेश्राम, श्री डखाराम मेश्राम,राम मेश्राम,अमोल कुंभरे,अजय लिडबे, सिध्दार्थ बहादे यांनी केले..मो मकसूद बावा पत्रकार हिंगणघाट जिला वर्धा