नवीन वर्षाच्या सुरुवातीलाच स्थायी वैद्यकीय अधिकारी व फार्मासिस्टची नियुक्ती करण्यात आली आहे. ..............................अल्लीपूर येथील प्राथमिक आरोग्य केंद्रात गेल्या अनेक वर्षांपासून वैद्यकीय अधिकारी व फार्मासिस्टसह अनेक महत्त्वाची पदे रिक्त असल्यामुळे परिसरातील नागरिकांना मोठ्या अडचणींना सामोरे जावे लागत होते. या गंभीर समस्येच्या अनुषंगाने राष्ट्रवादी युवक काँग्रेस (श.प.) व शिवराया संघटनेच्या वतीने मागील वर्षभर सातत्याने स्थानिक प्रशासन व लोकप्रतिनिधींना निवेदने देऊन पाठपुरावा करण्यात आला होता.या जनआंदोलनाला बळ देत आमचे नेते खासदार अमरजी काळे, माजी राज्यमंत्री रणजितदादा कांबळे व जिल्हाध्यक्ष अतुल वांदिले यांच्या माध्यमातून जिल्हा प्रशासनाकडे प्रभावी पाठपुरावा करण्यात आला. या प्रयत्नांना अखेर यश आले असून नवीन वर्षाच्या सुरुवातीलाच अल्लीपूर प्राथमिक आरोग्य केंद्राला स्थायी वैद्यकीय अधिकारी डॉ. रुईकर तसेच फार्मासिस्ट म्हणून कु. गेडाम यांची स्थायी स्वरूपात नियुक्ती करण्यात आली आहे.नियुक्त झालेल्या अधिकाऱ्यांचा सत्कार पुष्पगुच्छ देऊन तसेच सामाजिक समतेचे प्रतीक असलेले क्रांतीज्योती सावित्रीबाई फुले यांचे पुस्तक भेट देऊन करण्यात आला. यावेळी त्यांना पुढील वाटचालीसाठी मनःपूर्वक शुभेच्छा देण्यात आल्या.या सकारात्मक निर्णयासाठी जिल्हा आरोग्य अधिकारी डॉ. स्वप्नील बेले तसेच तालुका आरोग्य अधिकारी डॉ. प्रभाकर नाईक यांचे विशेष आभार व्यक्त करण्यात आले.या प्रसंगी माजी सरपंच गजानन नरड,माजी ग्रामपंचायत सदस्य सचिन पारसडे, शिवराया संघटनेचे अध्यक्ष नितीन सेलकर, रोषण नरड, श्रुणय ढगे यांच्यासह कार्यकर्ते व ग्रामस्थ मोठ्या संख्येने उपस्थित होते.ही नियुक्ती अल्लीपूर व परिसरातील नागरिकांसाठी दिलासादायक ठरून आरोग्यसेवा अधिक सक्षम होईल, असा विश्वास उपस्थितांनी व्यक्त केला..मो मकसूद बावा पत्रकार हिंगणघाट जिला वर्धा

नवीन वर्षाच्या सुरुवातीलाच स्थायी वैद्यकीय अधिकारी व फार्मासिस्टची नियुक्ती करण्यात आली आहे.