*
हटकरवाडी येथे डाॅ. किरण करवर यांचा सत्कार*
*
मानवत / परभणी जिल्हा विभागीय संपादक अनिल चव्हाण.
———————————
हटकवाडीचे भूमिपुत्र डॉ. किरण करवर
"यांचा जंगी सत्कार हटकरवाडी येथे करण्यात आला.
हलाखीच्या परिस्थितीत किरण करवर ने मिळवले एम.बी.बी.एस.चे यश"
जिद्द आणि चिकाटीच्या जोरावर ग्रामीण भागातील तरुणही गगन भरारी घेऊ शकतात, हे मानवत तालुक्यातील हटकवाडी येथील भूमिपुत्र डॉ. किरण काशिनाथराव करवर यांनी सिद्ध केले आहे. अत्यंत हलाखीच्या परिस्थितीवर मात करत त्यांनी एमबीबीएसची (MBBS) पदवी प्राप्त केल्याबद्दल, हटकवाडी ग्रामस्थांच्या वतीने त्यांचा नुकताच भव्य नागरी सत्कार करण्यात आला.
ढोल-ताशांच्या गजरात मिरवणूक काढण्यात आली.
डॉ. किरण करवर यांचे यश हे संपूर्ण गाव्यासाठी भूषणावह असल्याने, ग्रामस्थांनी ढोल-ताशांच्या गजरात त्यांची आणि त्यांच्या आई-वडिलांची गावातून भव्य मिरवणूक काढली.
यावेळी करवर दाम्पत्याचे पुष्पहार घालून जंगी स्वागत करण्यात आले. आपल्या गावातील मुलगा डॉक्टर झाल्याचा आनंद प्रत्येकाच्या चेहऱ्यावर ओसंडून वाहात होता.
मान्यवरांची उपस्थिती
या सोहळ्याप्रसंगी गावचे सरपंच बाबासाहेब जोरवर, मुख्याध्यापक शेख रुस्तुम, विठ्ठलराव निळे, तुकाराम पकारे, दत्तराव गयाळ, अनवर भैय्या शेख यांच्यासह करवर परिवार आणि हटकवाडीतील ग्रामस्थ मोठ्या संख्येने उपस्थित होते.
हलाखीच्या परिस्थितीतून शिक्षण पूर्ण करून डॉक्टर झालेल्या किरण यांचा प्रवास आजच्या तरुण पिढीसाठी प्रेरणादायी असल्याचे मत यावेळी अनेक मान्यवरांनी व्यक्त केले.
***
