📰 NMMS परीक्षेत अँग्लो उर्दू हायस्कूल पाचोराच्या दोन विद्यार्थिनींची चमकदार कामगिरी 🏆
(
भडगाव पाचोरा तालुका प्रतिनिधी मोहम्मद अजहर खान)
भडगाव तालुका उर्दू एज्युकेशन सोसायटी संचलित अँग्लो उर्दू हायस्कूल, पाचोरा येथील विद्यार्थिनींनी राष्ट्रीय आर्थिक दुर्बल घटक शिष्यवृत्ती योजना (NMMS) परीक्षेत उल्लेखनीय यश संपादन करून शाळेचा गौरव वाढविला आहे.
शाळेतील आलिया अमजद खान व महेवीश वसीम शेख या दोन विद्यार्थिनींची NMMS शिष्यवृत्ती परीक्षेसाठी निवड झाली असून त्यांच्या या यशामुळे शाळा परिसरात आनंदाचे वातावरण निर्माण झाले आहे. विद्यार्थिनींच्या अथक परिश्रम, जिद्द, चिकाटी आणि शिक्षकांच्या योग्य मार्गदर्शनामुळे हे यश प्राप्त झाले आहे.
या उल्लेखनीय यशाबद्दल शाळेचे संस्थाचालक, मुख्याध्यापक शोएब अहमद यांनी विद्यार्थिनींचे अभिनंदन करून त्यांच्या पुढील शैक्षणिक वाटचालीसाठी शुभेच्छा दिल्या. तसेच सर्व शिक्षक व शिक्षकेतर कर्मचाऱ्यांनी विद्यार्थिनींचे कौतुक करून त्यांना उज्ज्वल भविष्यासाठी शुभेच्छा व्यक्त केल्या.
अँग्लो उर्दू हायस्कूल पाचोरा ही संस्था विद्यार्थ्यांच्या गुणवत्तावाढीसाठी आणि सर्वांगीण विकासासाठी सातत्याने प्रयत्नशील असून विद्यार्थ्यांनी मिळवलेले हे यश संस्थेच्या शैक्षणिक परंपरेला अधिक उजाळा देणारे ठरले आहे.
🌹 आलिया अमजद खान व महेवीश वसीम शेख यांचे मनःपूर्वक अभिनंदन आणि पुढील यशस्वी वाटचालीसाठी हार्दिक शुभेच्छा! 🌹
