(अकोला जिल्हा विभागीय संपादक इमरान खान)
अकोला:सण हे केवळ उत्सव नसून सामाजिक एकता, शिस्त आणि प्रशासनाची परीक्षा असतात. या कसोटीवर अकोला शहर यंदा अव्वल ठरले आहे. श्रावणातील पवित्र कावड यात्रा, शेतकऱ्यांचा मुख्य सण पोला, लहान मुलांचा तान्हा पोला, अतिशय उत्साहात साजरा झालेला गणेशोत्सव आणि मुस्लिम समाजाची ईद-ए-मिलाद-उन-नबीची मिरवणूक यासारखे सर्व मोठे सण शहरात अत्यंत शांततेत, सुरक्षिततेत आणि सलोख्याच्या वातावरणात पार पडले.ही कायदा व सुव्यवस्था सुरळीत ठेवण्यासाठी अमरावती परिक्षेत्राचे विशेष पोलीस महानिरीक्षक महेश पाटील आणि जिल्हा पोलीस अधीक्षक (SP) अर्चित चांडक यांचे सक्षम व दूरदर्शी मार्गदर्शन लाभले. त्यांचा हाच विजन जमिनीवर पूर्ण तत्परतेने राबवण्यात वाहतूक शाखेचे पोलीस निरीक्षक विलास पाटील, स्थानिक गुन्हे शाखेचे (LCB) पोलीस निरीक्षक नितीन लेव्हलकर आणि त्यांच्या संपूर्ण टीमने मुख्य भूमिका बजावली.कडक ऊन आणि पावसातही बजावले कर्तव्य, एकही अपघात होऊ दिला नाहीअकोला पोलिसांच्या उत्कृष्ट समन्वयाचा सर्वात मोठा परिणाम म्हणजे या प्रचंड गर्दीच्या काळात रस्त्यावर एकही अनुचित प्रकार किंवा अपघात घडू दिला नाही. पोलीस अधीक्षक अर्चित चांडक यांच्या नेतृत्वाखाली शहराच्या कानाकोपऱ्यात सुरक्षा व्यवस्था कडक करण्यात आली होती. तर एलसीबी प्रमुख नितीन लेव्हलकर यांच्या पथकाने सुरक्षा व गुप्तचर यंत्रणा मजबूत ठेवली. तसेच पीआय विलास पाटील यांच्या वाहतूक पथकाने ४५ अंश सेल्सिअस तापमानाचे कडक ऊन आणि मुसळधार पावसाची तमा न बाळगता सलग १६ ते १८ तास ड्युटी करून वाहतूक व्यवस्था सुरळीत ठेवली. सणासुदीच्या काळात आपल्या कौटुंबिक सुखाला बाजूला ठेवून पोलीस कर्मचाऱ्यांनी दिवस-रात्र एक केली.आगामी सणांसाठीही पोलीस दल सज्जअकोला पोलीस विभाग केवळ सरलेल्या सणांपुरता मर्यादित राहिलेला नाही. येणाऱ्या काळात नवरात्रौत्सव, विजयादशमीनिमित्त धम्मचक्र प्रवर्तन दिनाची भव्य रॅली, दीपोत्सव (दिवाळी) आणि यादरम्यान होणारे व्हीआयपी दौरे यासह कायदा व सुव्यवस्था राखण्याच्या अतिरिक्त जबाबदारीसाठीही संपूर्ण पोलीस यंत्रणा सज्ज आहे.हाजी मुद्दाम खान आणि नागरिकांनी व्यक्त केली कृतज्ञताया कौतुकास्पद कार्याबद्दल हाजी मुद्दाम खान, शांतता समिती आणि जुलूस कमिटीने पोलीस प्रशासनाचे जाहीर आभार मानले आहेत. जुलूस कमिटी आणि शांतता समितीच्या पदाधिकाऱ्यांसह हाजी मुद्दाम खान म्हणाले, "अकोला पोलिसांचे व्यवस्थापन लाजवाब होते. मिरवणूक असो वा विसर्जन, त्यांनी कुठेही अडथळा येऊ दिला नाही. एसपी अर्चित चांडक यांचे कुशल मार्गदर्शन, नितीन लेव्हलकर यांची सतर्कता आणि विलास पाटील यांच्या टीमच्या सेवाभावाने संपूर्ण जिल्ह्याची सुरक्षा सुनिश्चित केली आहे. यासाठी पोलीस दलाचे जितके अभिनंदन करावे तितके थोडे आहे." अकोला पोलीस आणि जनतेच्या याच परस्पर समन्वयाने शहरात सामाजिक शांततेचा एक नवा आदर्श निर्माण केला आहे.
