यावल नगरपरिषद निवडणूक तयारीला वेग जिल्हाधिकारी रोहन घुगे यांची पाहणी; तहसीलदार मोहनमाला नाझिरकर यांच्या नियोजनाची प्रशंसा.. (यावल प्रतिनिधी रविंद्र आढाळे)जिल्हाधिकारी रोहन घुगे यांनी यावल नगरपालिका कार्यालय तसेच तहसील कार्यालय येथे येऊन नगरपरिषद निवडणुकीसंदर्भातील सर्व कामकाजाची सखोल पाहणी केली. निवडणूक प्रक्रिया पारदर्शक, सुरक्षित व सुरळीत पार पडावी यासाठी प्रशासनाने आखलेल्या तयारीचे त्यांनी बारकाईने परीक्षण केले.तहसील कार्यालयात स्ट्रॉंग रूम, सिलिंग सेटिंग तसेच काउंटिंग सेंटरची प्रत्यक्ष पाहणी करताना जिल्हाधिकाऱ्यांनी सुरक्षेची काटेकोर अंमलबजावणी, सीसीटीव्ही व्यवस्थापन, प्रवेश-नियंत्रण व्यवस्था, साहित्य साठवण व प्रोटोकॉल पालन याबाबत संबंधित अधिकाऱ्यांकडून माहिती घेतली.यावेळी यावल तहसीलदार तथा नगरपरिषद निवडणूक निर्णय अधिकारी मोहनमाला नाझिरकर, यावल पोलिस निरीक्षक रंगनाथ धारबडे, तसेच नगरपालिका व तहसील कार्यालयातील अधिकारी-कर्मचारी उपस्थित होते.निरीक्षणादरम्यान जिल्हाधिकारी रोहन घुगे यांनी यावल तालुक्यातील निवडणूक प्रक्रियेची आखणी अत्यंत नीटनेटकी व शिस्तबद्ध पद्धतीने केल्याबद्दल तहसीलदार मोहनमाला नाझिरकर यांचे विशेष कौतुक केले. सर्व विभागांमधील समन्वय, तांत्रिक तयारी, सुरक्षा उपाययोजना आणि निवडणूक साहित्य व्यवस्थापन समाधानकारक असल्याचे त्यांनी नमूद केले.यावल नगरपालिका निवडणुकीसाठी प्रशासन पूर्णपणे सज्ज असून सर्व कामकाज प्रामाणिक व पारदर्शक पद्धतीने पार पडावे यासाठी कसोशीने प्रयत्न सुरू असल्याचे जिल्हाधिकाऱ्यांनी सांगितले. त्यांच्या या पाहणीमुळे अधिकारी-कर्मचाऱ्यांमध्ये उत्साह संचारला असून निवडणुकीच्या तयारीला आणखी गती मिळाल्याचे दिसून आले.

यावल नगरपरिषद निवडणूक तयारीला वेगजिल्हाधिकारी रोहन घुगे यांची पाहणी; तहसीलदार मोहनमाला नाझिरकर यांच्या नियोजनाची प्रशंसा..