अभिजीत दिपके यांची महाराष्ट्र राज्य पत्रकार संघ मुंबई चे विश्वास आरोटे यांच्याकडून सदिच्छा भेट.*
*
(छत्रपती संभाजीनगर | प्रतिनिधी)
महाराष्ट्र राज्य पत्रकार संघ, मुंबई शाखा, छत्रपती संभाजीनगर (मराठवाडा विभाग) यांच्या पदाधिकाऱ्यांनी आज सीजेपीचे अभिजीत दिपके यांच्या निवासस्थानी जाऊन सदिच्छा भेट घेत आगामी पुरस्कार सोहळ्याचे निमंत्रणपत्र प्रदान केले.
यावेळी महाराष्ट्र राज्य पत्रकार संघाचे प्रदेश सरचिटणीस विश्वास आरोटे यांच्या प्रमुख उपस्थितीत मराठवाडा अध्यक्ष अनिल सावंत, ज्येष्ठ पत्रकार मधुकर वैद्य, जिल्हाध्यक्ष छबुराव ताके आणि जिल्हा सरचिटणीस सुजित ताजने यांनी भेट घेतली .
या प्रसंगी विश्वास आरोटे यांनी महाराष्ट्र राज्य पत्रकार संघाची वाटचाल, उद्दिष्टे तसेच पत्रकारांच्या हितासाठी राबविण्यात येणाऱ्या विविध उपक्रमांची सविस्तर माहिती दिली. पत्रकारांच्या संघटनात्मक बळकटीसाठी सर्वांनी एकत्रितपणे कार्य करण्याचे आवाहनही त्यांनी केले.
यानंतर अभिजीत दिपके यांचा पुष्पगुच्छ व श्री साईबाबांची मूर्ती देऊन सन्मानपूर्वक सत्कार करण्यात आला. तसेच आगामी पुरस्कार सोहळ्यास उपस्थित राहण्याचे निमंत्रण देण्यात आले. यावेळी पत्रकारिता, सामाजिक बांधिलकी आणि संघटनात्मक विषयांवर सकारात्मक चर्चा झाली.
