(मीडिया पोलिस टाईम अकोला जिल्हा संपादक इमरान खान)
अकोला, दि. १७ ऑगस्ट:श्रावण महिन्यातील पहिल्या सोमवारच्या निमित्ताने गांधीग्राम येथील पूर्णा नदी पात्रावर कावडधारकांची होणारी संभाव्य गर्दी लक्षात घेऊन जिल्हा व पोलीस प्रशासनाच्या वतीने आपत्ती व्यवस्थापन आणि बचाव पथके तैनात करण्यात आली आहेत. माननीय जिल्हाधिकारी आणि अकोला जिल्हा पोलीस अधीक्षक (SP) अर्चित चांडक यांच्या आदेश व निर्देशानुसार, उपविभागीय अधिकारी व तहसीलदार अकोला यांच्या थेट मार्गदर्शनाखाली हा कडक सुरक्षा बंदोबस्त लावण्यात आला आहे.सोमवारी (दि. १६) दुपारपासून ते रात्री उशिरापर्यंत सर्व कावडधारक पूर्णा नदीवरून सुरक्षितपणे मार्गस्थ होईपर्यंत हे आपत्कालीन बचाव पथक नदीकाठी तैनात ठेवण्यात आले होते. भाविकांच्या सुरक्षेसाठी पोलीस प्रशासन, महसूल विभाग आणि आपत्ती व्यवस्थापन पथकांनी संयुक्तपणे अत्यंत सतर्कता बाळगली आहे.अधिकारी व पथकाची उपस्थिती:या मोहिमेसाठी अकोला तहसीलचे नायब तहसीलदार विजय खेडकर, मंडळ अधिकारी दत्ता काळे, हरीहर निमकंडे, श्रवण भराडी, तसेच तलाठी रवींद्र पाटकर, दीपक राऊत व रवींद्र दराडे हे पोलीस प्रशासनाच्या समन्वयाने घटनास्थळी उपस्थित राहून परिस्थितीवर बारीक लक्ष ठेवून होते.आधुनिक साहित्यासह जवान तैनात:आपत्कालीन पथकाचे सुनील कल्ले, उमेश आटोटे, गौतम मोहोड, प्रदीप मोहोड या सदस्यांसह 'वंदे मातरम आपत्ती व्यवस्थापन पथक, अकोला' चे स्वयंसेवक आणि पोलीस कर्मचारी यावेळी तैनात होते. कोणत्याही आपत्कालीन परिस्थितीला तोंड देण्यासाठी पथकाकडे बोट, लाईफ जॅकेट, लाईफ रिंग, रेस्क्यू रोप (बचाव दोरी), इमर्जन्सी लाईट आणि सर्चलाईट यांसारखे अद्ययावत बचावाचे साहित्य उपलब्ध करून देण्यात आले होते. प्रशासनाच्या या चोख नियोजनामुळे कावड यात्रा सुरक्षित आणि शांततापूर्ण वातावरणात पार पडण्यास मोठी मदत झाली.
