पाडळसे येथे महाकालेश्वर मंदिरातर्फे भव्य कावड यात्रेचे आयोजन**. पाडळसे, ]:** यावल तालुक्यातील पाडळसे गावात असलेल्या श्री महाकालेश्वर मंदिरातर्फे सालाबाद प्रमाणे भव्यदिव्य कावड यात्रेचे आयोजन करण्यात आले आहे. दरवर्षीप्रमाणेच यंदाही ही यात्रा मोठ्या उत्साहात आणि श्रद्धेने साजरी केली जाईल, अशी माहिती मंदिर समितीच्या पदाधिकाऱ्यांनी दिली आहे.श्रावण महिन्याच्या पवित्र पर्वावर आयोजित करण्यात येणारी ही कावड यात्रा भगवान शंकराच्या भक्तांसाठी एक महत्त्वाचा सोहळा असतो. या यात्रेत मोठ्या संख्येने भाविक सहभागी होऊन, पवित्र नद्यांमधून जल आणून महाकालेश्वर ज्योर्तिलिंगावर अभिषेक करतात.यावर्षीची कावड यात्रा अधिक भव्य करण्यासाठी मंदिर समितीने विशेष तयारी केली आहे. यात्रेमध्ये सहभागी होणाऱ्या कावडधारकांसाठी विशेष सोयीसुविधा पुरविल्या जाणार आहेत. तसेच, यात्रेचा मार्ग तारकेश्वर मंदिर तापी नदीपात्र ते महाकालेश्वर मंदिर पाडळसे असे नियोजन करण्यात आले आहे या यात्रेमुळे गावात धार्मिक आणि उत्साहाचे वातावरण निर्माण झाले असून, परिसरातील भाविकांमध्ये या भव्य आयोजनाबद्दल उत्सुकता दिसून येत आहे. महाकालेश्वर मंदिराची ही कावड यात्रा पाडळसे गावाच्या धार्मिक परंपरेचा एक अविभाज्य भाग आहे.---